Sa Wakas

 

Tinapos ko na ang walong taon kong relasyon sa aking boyfriend na ngayon ay matatawag ko ng ex. Bakit? Paano? Mahabang kwento. Ang mahalaga, malaya na ako.

 

Sa tingin ko ito na yata ang isa sa pinakamagandang desisyon na nagawa ko sa buhay ko. Sa totoo lang, imbis na bumigat ang pakiramdam ko ay kabaligtaran ang nangyare. Para akong tumae ng madami pagkatapos kong maconstipate ng isang linggo. Ang gaan, ang saya, ang sarap.

Minsan iniisip ko kung pinapaniwala ko lang ang sarili ko na hindi ako nasasaktan, pero hindi e. Hindi talaga. Siguro kung may lungkot man akong nararamdaman, yun ay dahil sinayang ko ang walong taon ng buhay ko sa maling tao.
 

Yun na lang, wala na akong masasabi sa break up na ito. Ayoko siyang isumpa at hilingin sa lahat ng pwersa sa mundo na makapangasawa siya ng panget ngayon.  Baka bukas na.

Madami akong natutunan. Ang pinakamahalagang ay "Dapat ipakilala sa magulang at sa mga kaibigan ang iyong magiging karelasyon. Kasi kung ayaw niya dahil masyado siyang "cool" para makisama at makihalubilo sa mga ibang mahal mo sa buhay, may mali sa kanya."